我哋呢班打工仔，好多时打份工都系为生活，希望有日可以储够钱去追求理想……但份粮只够自己使，永远储唔到钱，无论想买楼定想发围做生意都冇本，未来似乎无展望？

一份好嘅Freelance工作，可以帮你有“第二收入”，助你有望早日储到钱，摆脱“返工等放工，放工就搵工”嘅循环！就等小编列举香港10大热门Freelance工作嘅价位同优缺点，唔知你又啱做几边份？

1. 网上教外语

（图源：AFP）

而家好多人会系网上嘅语言学校登记做老师，然后就用skype之类嘅沟通软件教学，时间够弹性。教授中文嘅薪金因经验而定，一般系网上语言学校学习中文，一小时约US$20~$30，老师往往要畀介绍费用网站，但如果同学生关系Keep得好，不失为长远嘅Freelance收入来源。

2.资料输入

呢类工作通常就系睇住文件或透过聆听，输入资料到电脑，如果你自问打字够快又够准，资料输入呢份Freelance就啱你喇。你可以选择返Office输入嘅类型，一般时薪约$60~$80；而如果你想时间更弹性，对自己打字能力又有信心，咁不如接一啲按件收费、在家工作嘅Freelance，例如系打字幕或逐字稿，输入一段1小时影片嘅字幕，可以收取$1,000以上(当然你要识得用相关软件啦)，而1小时录音嘅逐字稿，亦可收取$500以上。

3.翻译

（图源：AFP）

翻译工作系最常见嘅Freelance之一，最常见嘅一般中英文互译，好多香港人都可以应付得到。英译中嘅费用一般较平，以来稿计每字约$0.5~$1，而中译英参考价钱就系每字$0.8~$1.5，如果系某啲专业范畴例如法律、学术，收费就可以更贵。

4.美术设计

美术设计又系巿面有大量Freelance嘅工种，但设计嘅酬劳算系比较“海鲜价”，如果工作较难拆件计，大家可以自己预计完稿所需时间，以作开价，例如每小时$300，预计要做3小时，就开价$900。而容易量化嘅工作如排版工作，可以收取每页$120以上。

5.写稿

文字唔值钱？而家系 *** 世界，好多网站需要不断有新嘅内容，以提高网站能见度，反而造就好多写文章嘅Freelance。呢类写手收费通常都系按篇计算，收费大约系每字$0.3~$1。当然，如果你系KOL或真正名家，写稿嘅收入都可以唔错，例如某啲专栏作家，系收取每字$10以上㗎。

 

6.影片 ***

拍摄影片又系另一热门Freelance，因为呢个行业已经算系Freelance性质主导！而家连未毕业嘅学生都接到大量工作，行业其实缺人，剪接一条片长1、2分钟左右的影片，价位约$1,000~$2,000，如果是 *** 拍摄 *** ，价位则可以过万。

 

7.送外卖

 

（图源：AFP）

如果你有电单车牌，同时又钟意风驰电掣，送外卖可以系你Freelance工作嘅选择。一般驾车送外卖嘅工作，时薪都会在$60以上，有部分公司甚至会有每单嘅津贴，例如每单加$5，多送收入就更高。

8.饮食楼面炒散

如果冇乜特别技能，做下饮食业嘅散工其实都都系一条Freelance出路。一般餐厅侍应时薪而家都会有$40以上；如果喺酒店工作，时薪可以有$70甚至破百。巿面虽然有好多App帮你搵楼面炒散类工作，但更好你都系搵到个好嘅“蛇头”，咁工作量就比较稳定喇。呢种工作嘅另一好处，就系好多时可以现金出粮。

9.乐器导师

 

（图源：AFP）

苦练乐器多年，教授乐器系好多人嘅Freelance途径之一。做得乐器导师，每小时收入起码都$100起跳，收入视乎学生级别而定。以钢琴为例，学习8级钢琴嘅学费每小时可达$500。但如果老师在琴行挂单，琴行一般会拆走50%学费；如果你想教乐器，更好就系快啲建立关系网，自立门户喇。

10.马会

因为不需要特别技能而薪金较高，粮准又稳定，马会系好多人Freelance嘅选择之一。喺马会 *** 主要分两种，一种系 *** 投注助理，一种就系分行服务助理。 *** 投注如果系广东话组，现在时薪有$55，分行服务助理就有时薪$59。